နင်မရှိတော့တဲ့မိုးရေထဲ
နင်ပြောသလိုနင့်ကိုမေ့ပစ်ဖို့ကြိုးစားတော့
ငါ့စိတ်တွေပြာရီအုံ့မှိုင်း
ပတ်ဝန်းကျင်တစ်ခုလုံးတခဏရပ်ဆိုင်းသွားတယ်။
နင့်ထုံးစံအတိုင်း ငါ့နှလုံးသားဟာ
(ဘယ်နှစ်နာရီ...ဘယ်နှစ်မိနှစ်မှာဆိုပြီး....)
ယတြာချေဖို့စွန့်ပစ်ခံလိုက်ရတဲ့
ခေါစာတစ်ခုလား။
ပွဲပြီးမီးသေပြကွက်ဆန်းတွေထဲမှာ
ငါကအမီမလိုက်နိုင်သူလား
ငါကပြာပုံထဲကဖီးနစ်ငှက်မဟုတ်လို့
ဒဏ်ရာထဲမှာ လူးလိမ့်လွမ်းနေရစ်ချင်သေးတယ်။
နာကြည်းမုန်းတီးချင်ပေမယ့်
ခွင့်လွတ်နေမိဆဲပဲ။
သေခြာပါတယ် ငါနင့်ကိုလေ
တော်တော်ကြာကြာလေးဆက်ချစ်နေဦးမယ်။ ။
Subscribe to:
Post Comments (Atom)
No comments:
Post a Comment